بعد ١٧ يوم من الانفجار … ما بقي حدا حد شعبو الا القوات

اوّل كم يوم من بعد ما طلع انفجار المرفأ، شفنا عجقة جمعيات و شباب و صبايا (عم بيسبّوا السياسيين كلن) بهالجميزة و مار مخايل، ما عدنا نلحّق صور و ستوريات، كان كل ما واحد جاب قنينة ماي لشي حدا اتكسر بيتو من ورا الانفجار و اختربت حياتو ينقرلنا راسنا بالصور و الستوريات، ما بدكن مين يخبركن شو كان عم بيصير، بستثني من كلامي بعض الشباب و الصبايا اللي عنجد نزلوا من وجعهن و اشتغلوا و بعدهم عم يشتغلوا عالسكت بلا تمنين لحدّيت هلق.

حاصلو، اليوم بعد ١٧ يوم من الانفجار وبجولة زغيرة عالمنطقة،ما بقي حدا حد شعبو الا القوات. جماعة الصور و الستوريات و الجمعيات اللي كل همّها تقرط مصاري و مساعدات اختفوا بس اختفى الاعلام. و اليوم، بعد ١٧ يوم عالانفجار،ما ضلّ غير القوات … القوات، عالسكت، أنشأت هيئة إغاثة بيروت ground-0. وحالياً عم تقدم كل المساعدات من تنضيف الردم للأكل لتأمين بيوت بديلة.

‏١-مهندسين القوات عم يبرمو يقيمو وضع البيوت ويرتبوهن ليتم إخلائن ويبلش الترميم.
‏٢-محامي القوات عم يبرمو على البيوت ويساعدو العالم بتحضير أوراق ملفات التعويضات
٣-أساتذة القوات عم يساعدو كل الناس بتعباية طلبات التعويضات وتقديمها
‏٤-طلاب القوات ملتزمين كل أشغال رفع الردم والتنظيف
‏٥-جهاز تفعيل دور المرأة عم يوزعو أكل على كل العالم ودغري على البيوت
‏٦-مغتربي القوات قامو بحملات لتبرع وأمنو سكن وأموال وأدوية
٧-تم تحضير خطة لنقل كل الردم من بيروت وينحط بموقع كسارة قديمة وينزرع فوقو ليرجع إعادة تشكيل الجبل بعد دمار الكسارة.
‏٨-جولات يومية من مسؤولين هيئة إغاثة بيروت يلي شكلتها القوات عم تبرم وتلتقي كل المخاتير ووجهاء المنطقة لتقييم الوضع وتحديد الخطوات اللاحقة.

بالنهاية، ع قد ما هيدا البلد في وجع و قهر،عقد ما في ظلم و تجني بحق الفريق الوحيد اللي معو حق. و انتو بتعرفوا مظبوط انو اذا كان للباطل و الجهل و الشعبوية و الظلم جولة، رح يكون للحق و العدل و القوات … الف جولة و جولة