عيد: ما حدا الو حق يقلو لهالشعب المحلوب المركوب المنكوب المخنوق والمشنطط : روح نضف بيوت تتعيش!

كتب الاعلامي جورج عيد في حسابه الخاص عبر موقع فيسبوك: “الأكيد “ليس من مهنةٍ حقيرةٍ، بل هنالك أُناس حقيرون” بعدين طبيعي كتير ولازم اللبناني يشتغل كل المهن ليكون داعم لمجتمعو واقتصادو…
ولكن بس تكون الطبقة السياسية عمبتمص دمنا على مدى ٣٥ سنة…
بس تكون جزء من اموال الخزينة اللبنانية صارت بسويسرا بحسابات خاصة لكم حرامي وداير علين التبريد….
بوقت ما فات ولا مسؤول لبناني على السجن من ٣٥ سنة لليوم ولا تحاسب عن سرقاتو…
ونسوانن دايرا تترأس جمعيات وهمية وتشفط مصاري من الخزينة تتعمل جمعيات خيرية تتبرع فيها لناسها وتربحن جميلي…
وفوق هيدا اموالنا وتعب عمرنا مصادر ومحجور ….
ومعاشاتنا التقاعدية صارت تسوى علبة ساردين…
بوقت خسرت عالم شهادتها طولها وظايفها من ورا اكل الخ*** تبع كم فاسد…
ما حدا الو حق يقلو لهل شعب المحلوب..المركوب…المنكوب… المخنوق…و المشنطط : روح نضف بيوت واشطف دراج تتعيش…
لو هالشعب بيعرف يشطف كان لازم يبلش من اول الدرج السياسي عالمجرور دغري…ومن زمان كتير!
رح وقف هون اخلاقي بتمنعني كفي…”.

اضف رد

لن يتم نشر البريد الإلكتروني .

x

‎قد يُعجبك أيضاً

مستشار سابق لرئيس الجمهورية حذر قبل ٢٢ يوم من مؤامرة تحاك ضد بكركي

قبل ٢٢ يوما حزر المستشار السابق لرئيس الجمهورية جان عزيز على حسابه ان السلطة اللبنانية ...